Footer

Barangay captain, 3 sabali pay kalugaranna, nakumpiskaan droga iti search operation

ROSALES, Pangasinan – Uppat a tattao a pakairamanan ti maysa a barangay captain ti natinnag iti search operation nga impakat ti kapolisan ditoyidi agsapa ti Abril 6 sadiay Carmen West, Pangasinan .

Kas maibatay iti report, idi agarup alas 4:00 ti agsapa ti nadakamat a petsa, inwayat dagiti elemento ti Rosales police station, PIB/PIDMB/OPB Pangasinan PPO, RIU PRO1, pdea ro1 ken PPSC Tayug ti drug search operations maikontra kada Barangay Captain Victor Chan y Licudan, 48, naasa-waan; Alex Pascua y Obedoza, 38, naasawaan, konduktor; Isaac Rabara y Pascua, 41, trabahador, ken Nasser Niento y Pomantok, 37, trabahador a nagresulta iti pannakakumpiska kadagiti droga iti ikut dagiti suspek.

Nakakumpiska dagiti operatiba iti ikut ni Chan ken ni Pascua iti saggapat a heat sealed plastic sachet a nagkarga iti mapapati a shabu idinto a saggatlo a plastic sachet a nagkarga iti mapapati a shabu kada Rabara ken Niento.

Adda itan iti kustodia ti Rosales police station dagiti suspek agraman dagiti nakumpiska kadakuada a droga.#