Footer

Cabugao, kampeon iti SIGLAT Awards

VIGAN CITY – Inyalat ti ili a Cabugao itay Pebrero 3 ti overall a
kampeonato iti Salisal Iladawanna’t Gaget ti Lumugar, Agsaknap ti
Timpuyog  (SIGLAT) Awards kas paset ti maikadua a Kannawidan Ylocos
Festival.

Agdagup iti 768 a barangay ti Ilocos Sur ti nagsasalip para iti nadumaduma a kategoria a nagsentro iti health, nutristion  ken environmental protection; peace and order, social welfare, public safety ken disaster risk management; education, culture and youth development;  agricultural productivity, cooperative development ken entrepreneurship; governance and administration.

Inyalat dagiti barangay ti Cabugao ti Best in Coastal Resource Management ken Best in Fish Production (Dardarat); Best Innovative Practices, Best Brgy. Herbary, Best in Gender and Development, Best in Tourism Promotion ken Outstanding sangguniang Kabataan (Pug-os); Best Implementer in PWD ti (Rizal) ken Best in Fiscal Management (Salapasap).  Napili pay kas Outstanding Punong Barangay ni Fercival Savellano ti Brgy. Salapasap.

First runner-up ti Tagudin babaen ti pannakagun-od ti Barangay Baracbac ti Best in Nutrition Program,  Barangay Lacong  kas Best in Agricultural Productivity, Barangay Magsaysay iti Best Implementer in Elderly Program, Barangay Pudoc West ti Best in Non-Formal Education, Bario-an ti Best Barangay Cooperative ken Outstanding Brgy. Based Entrepreneur ni Danilo Sevilla ti Barangay Bimmanga.

Nagun-od met ti Candon City ti 2nd Runner-up kalpasan a napili ti  Barangay Calaoa-an kas  Best Implementer in SWM ken Best Performing Barangay; Barangay San Andres kas Most Healthy Barangay; ti Barangay Palacapac kas Greenest Barangay;  ken Outstanding Day Care Worker ni Myrna Novida ti Barangay Oaig Daya.

Nagtabla met a 3rd Runner-up ti ili a Gregorio del Pilar ken Vigan City a nakagun-od iti saggatlo a pammadayaw. Nagun-od ti Gregorio del Pilar ti Best Barangay Tree Park (Poblacion Norte); Best in Organic Farming (Barangay Matue) ken Outstanding Barangay Nutrition Scholar ni Delia Dalida ti Poblacion Norte ; idinto a napili ti Vigan City  kas Safest and Most Peaceful Barangay, Most Funcional BADAC ken Best in Sports and Physical Fitness ti Brgy. Beddeng-Laud.

Dagiti dadduma pay a nakaawat iti pammadayaw: Most Functional Botika ng Barangay ti Barangay Maratudo, Magsingal; Outstanding Farmers’ Association ti Barangay Barbarit, Magsingal; Cleanest Barangay ti Sto. Tomas, Sto. Domingo; Best in Livestock Development ti Namitpit, Quirino; Best in Backyard Gardening ti  Poblacion Sur, Lidlidda; Most Functional Barangay Disaster Cooadinating Council ti Kalumsing, San Emilio; Outstanding Lupong Tagapamayapa ti Pinipin, Sta. Cruz (1st-3rd Class Municipality) ken Dalawa, Alilem (4th-5th class); Best Managed Elementary School  ti Tinaan, Sta. Maria; Best Day Care Center ti San Isidro, Bantay; Outstanding Sangguniang Barangay ti Bannuar, San Juan; Best Performing NGO ti Balidbid, Salcedo ken Outstanding Barangay Health Worker ni Juana Tubon ti Napo, Sto. Domingo.#