Candon District, kadakkelan pay laeng iti produksion iti tabako

CANDON CITY – Ti Candon District ti kadakkelan iti produksion ti tabako iti sangapulo ket dua a probinsia nga agmulmula iti tabako iti sapasap a pagilian iti daytoy a tawen.

Daytoy ti datos a naala ti Tawid News manipud iti National Tobacco Administration kas maibasar iti March 15, 2009 a report daytoy nga ahensia.

Segun iti NTA, agarup nasurok 13 milion a kilos ti produksion ti Candon District iti tabako a birhinia, burley ken natibo a tabako iti daytoy a tawen.

Ti tabako a birhinia pay laeng ti kadakkelan a maimulmula ditoy nga immabot iti 11,876,400 a kilos kabayatanna a 210,500 kilos ti burley ken 1,650,600 a kilos ti native a tabako.

Maikadua a kadakkelan iti produktion ti Isabela nga agdagup iti nasurok 8 a milion a kilos, maikatlo ti La Union nga immabot iti nasurok 7 a milion a kilos, ken ti probinsia ti Pangasinan a nakurang 7 a milion a kilos.

Dagiti dadduma pay nga addaan iti nangato a produksion: Ilocos Sur-Vigan District nga agdagup iti 4,190,200 kilos; Abra, 3,673,400; Ilocos Norte, 3,538,100 ken Cagayan, 3,490,000.

Karaman kadagiti dadduma pay a probinsia a nagmula iti tabako ti Mindoro, Misamis Oriental, Negros Oriental, Iloilo ken Cotabato/Maguindanao.

Kabayatanna, iti daytoy a tawen, immabot iti 54 a milion kilos ti produksion ti tabako, nangatngato iti