Continuing registration ti COMELEC, 25,476 baro a nakarehistro

VIGAN CITY – Agdagupen iti 25,476 ti bilang dagiti baro a nakarehistro a botante manipud Enero 2009 aginggana’t Agosto 2009 iti COMELEC, daytoy ti naammuan manipud iti opisina ti Commission On Elections (COMELEC), Vigan City.

Segun ken ni Acting Provincial Election Supervisor, Atty. Marino V. Salas, 901 ti nagparehistro iti Enero, 2,743 iti Pebrero, 3,437 iti Marso, 2,589 iti Abril , 4,734 iti Mayo, 4,329 iti Hunio, 2,964 iti Hulio ken 3,779 iti Agosto wenno iti kadagupan a 25,476 a kabarbaro a nakarehistro.

Naammuan pay a 4,840 ti kadagupan ti bilang dagiti immakar a nakarehistro iti daytoy met la a panawen.

Kinuna ni Salas nga agtultuloy pay laeng dagiti tattao nga mapan agparehistro iti opisina ti COMELEC kas paset pay laeng ti programada a continuing registration.#