Culinary Festival, naisayangkat iti Makati

MAKATI CITY – Kas wagas ti panangitandudo ti gobierno probinsial kadagiti agkakaimas ken sabsabali a potahe ni Ilokano, naangay itay nabiit ti maysa a culinary festival iti Intercontinental Manila.

Karaman kadagiti potahe a naidasar iti Jeepney Café ti nasao a hotel ti bagnet, pinak-bet, longganisa, dinardaraan, sinanglaw ken dadduma pay nga Ilocano cuisine.

Naawagan iti NAIMAS: Discover the Best of Ilocano Ciusine, nagbalin a guest chef Peter Nick Ramirez, nalaing nga agluto a taga-Candon City, bayat ti agmakabulan a culinary festival.

Malaksid iti pannakairaman dagiti potahe iti menu ti hotel, naidispley pay iti lobby ti Inter-continental Manila ti ladawan dagiti agduduma a makmakan a masarakan iti Ilocos Sur.

Segun ken ni Gov. Deogracias Victor “DV” Savellano, naisayangkat ti nasao a festival kas panangi-pakita a naparaburan ti Ilocos Sur saan laeng kadagiti agkaka-pintas a lugar a mabalin a pasiaren dagiti turista no di pay adu dagiti maipagpannakkelna a luto a saan a paudi kadagiti sabsabali a probinsia.

Kinuna met ni Jenny Pena, Director of Public Relations ti Intercontinental Manila, a maysa daytoy nga exposure para iti probinsia.

Innayonna a wide-range ti Ilocano cuisine isu a mapa-gustuan dagiti mayat a mang-padas kadagitoy a potahe.

Agpatingga ti nasao a Culi-nary Festival inton Mayo 30.#