Footer

Currimao port, mapasayaat pagsangladan dagiti cruise ship

CURRIMAO, Ilocos Norte – Kinuna ni Ilocos Norte Governor Imee R. Marcos a pagtinnulongan ti gobierno probinsial ken ti Department of Tourism a pasayaaten ti puerto ditoy nga ili a pagsangladan dagiti cruise ship.

Iti press conference a naangay iti uneg ti Star Cruises’ Superstar Virgo, maysa a luxury cruise ship manipud Hong Kong a simmanglad iti Currimao port idi Marso 20, kinuna ni Marcos a “nakasaganan ti Filipino market a rugian ti kapardasan a dumakkel a sektor iti industria ti turismo, ti cruise lines” sana dinayaw ti Star Cruises gapu iti inrugi daytoy a panangiyegna kadagiti turista iti Ilocos Norte.

Kinuna ni Ang Moo Lim, presidente iti Star Cruises a kayatda ti tumulong a mangpadur-as iti ekonomia ti turismo iti daytoy a rehion ket impanamnamana a naikomitardan ti bumisita iti Ilocos Norte tunggal lima nga aldaw agingga iti Mayo iti daytoy a tawen a mangikuyogda Pilipino iti tunggal ibibisitada iti rinibribu a lokal ken internasional a turista a kaadduanna kadakuada ti.

Kinuna pay ni Lim a ti kompaniada ti “umuna a major cruise line a nagrekrut kadagiti Pilipino ken ti umuna nga international cruise line a mangsarabo kadagiti Pilipino iti bapor kas sangaili manipud iti homeportda iti Manila.

Addaan iti kapasidad a 2,600 a pasahero, addaan pay ti Super Star Virgo iti 1,100 a crew a kaadduanna ti Chinese ken Pilipino.

Impatalged ni Lim a bumisitanto manen ti Superstar Virgo inton Disiembre agingga iti Mayo 2018 a mangisenial iti agresibo a tourism season iti panangselebrar ti Ilocos Norte iti bicentennial foundation anniversary.

Manipud iti Currimao, sumanglad ti Star Virgo iti Kaohsiung City, Taiwan, ken Hong Kong sadanto agsubli iti to Manila inton Marso24. (Manipud iti report da Mizpah Grace G. Castro ken Glenn T. Batuyong, PGIN-CMO)