Illegal a panagkalap, agraira iti umuna a distrito ti I. Sur: BFAR officer

VIGAN CITYIti baet dagiti iwaywayat ti gobierno probinsial ken ti Bureau of Fisheries and Aquatic Resources tapno mapugipog ti illegal a panagkalap, agraira latta ti panagbongbong iti probinsia nangruna iti umuna a distrito.

“Saan a mailibak a ditoy First District, rampant ti illegal fishing,” kinuna ni Benny Saraos, BFAR officer, idinto a linagidawna ti saan a pannakikooperar dagiti agnaed ken opisial ti barangay iti kampania ti gobierno probinsial ken ti opisinada maikontra iti illegal a panagkalap.

Segun iti BFAR officer, nangisayangkatda iti operasion itay la nabiit iti Sinait babaen ti tulong dagiti polis ti nasao nga ili ken ti PNP Maritime a nakatiliwanda kadagiti nagbongbong a mangngalap.

Kinuna ni Saraos bayat ti pannakiuman kenkuana ni Eugene Paet ti DWRS a no adda operasionda, aglinged pay dagiti barangay officials ken adda signalda isu nga awan no dadduma ti matiliwda nga agisaysayangkat iti illegal a panagkalap.

“Dimi maawatan… no ania ti kabutengda… no ania ti isakitda.. ti illegal wenno ti linteg a mangipatungpal,” kinuna ni Saraos.

Nupay kasta, saan nga innaganan ni Saraos dagiti ili a pakaisaysayangkatan iti illegal a panagkalap.

Kas paset ti pannakapabileg iti kampania maikontra iti illegal fishing, nangiwayat ti BFAR babaen ti panangilungalong ni Gov. Deogracias Victor Savellano iti training a naangay iti provincial capitol itay Mayo 13-15 a nakipartisiparan ti 102nd Reserve Command a nakabase iti Camp Elipidio Quirino, Bulag, Bantay, Ilocos Sur a na-deputized a fish warden.

Sabali pay a training ti maangay iti Candon City inton Mayo 22-24 para met laeng kadagiti na-deputized a fish warden.

Naipasagepsep iti training dagiti annongen dagiti fish warden iti pannakaipatungpal ti linteg ti fishery iti man nasional wenno lokal.

Linagidaw pay ni Saraos nga iti baet a naipaulogen ti Executive Order No. 305 a mangibilbilin iti pannakairehistro dagiti motorized banca a maaramat iti panagkalap, adda pay la dagiti mangngalap a di nangirehistro iti bangkada.

Iti kallabes, no adda maireport a panagbongbong iti kabaybayan a sakupda, irason dagiti barangay officials a sabali a lugar ti naggapuan dagiti nagisayangkat.

Ngem iti kaaddan iti color coding dagiti bangka, addan pagilasinan no ania a munisipio ti naggapuan dagiti agisayangkat iti illegal a panagkalap.

Adda pay intanggaya ti gobierno probinsial a gunggona iti asinoman a mak