ISAH mangisayangkat iti medical mission inton Disiembre 16-23

HAWAII – Maisagsagana manen ti serbisio ti salun-at ken dadduma pay nga aktibidad nga isayangkat ti Ilocos Surian Association of Hawaii (ISAH) iti sumagmamano nga ili iti Ilocos Sur ken Ilocos Norte inton Disiembre 13-23, 2009.

Segun ken ni dati a Representative Felipe “Jun” Abinsay, advance party officer, paset daytoy ti programa ti ISAH a mangipaay iti serbisio ti salun-at kadagiti kailianda iti Ilocos Sur ken Ilocos Norte.

Nangipaayen ti nasao a gunglo dagiti taga-Ilocos Sur ngem agnaeden iti Hawaii iti medical mission iti ili ti Santa, Cabugao, Sinait, Vigan City ken Santiago idi 2005 ken 2007.

Ita a tawen, maangay ti medical mission iti Sinait, Cabugao, Vigan, Santa, ken Santiago iti probinsia ti Ilocos Sur ken iti Pasuquin, Bacarra ken Pagudpud iti Ilocos Norte.

Ti sumaganad ti iskediul ti ISAH:

Dec 13 – Leave Honolulu to Manila;

Dec 14 – Arrive Manila;

Dec 15 – Paranaque, then leave for Vigan;

Dec 16 – Arrive Vigan, and Aloha Night Program;

Dec 17 – Cabugao Medical Mission;

Dec 18 – Sinait Medical Mission, Recognition Night for Mrs. ISAH Davelyn Quijano;

Dec 19- Vigan City, Medical Mission, Ilocos Sur Idol, Got Talent Contest;

Dec 20 – Pasuquin, Pagudpud Free Day, Sleep over;

Dec 21 – Pasuquin, Bacarra Medical Mission;

Dec 22 – Santa Medical Mission;

Dec 23 – Santiago Medical Mission

Adda espesial a partisipasion iti daytoy a mission da Mrs. ISAH 2008-2010 Davelyn Ancheta Quijano (Sinait), 1st runner up Anna Lisa Mateo (Cabugao) ken 2nd runner up Loida Alimboyoguen Yamamoto (Vigan) kas panagserbida a boluntario kadagiti kailianda iti tay-ak ti salun-at.

Dagiti participating unit organizations a kameng ti ISAH: Annak ti Sinait iti Hawaii, Sinait National High School Alumni Association of Hawaii, Cabugao Sons & Daughters Association of Hawaii, Vigan Association of Hawaii, Santanians of Hawaii -USA, ken Santegenians of Hawaii.#