Lalaki, nabagbagsol iti asideg ti kamposanto

CERVANTES, Ilocos Sur – Maysa a lalaki ti nabagsol itay nabiit iti tumengnga ti rabii iti asideg ti kamposanto ti Barangay Rosario ditoy.

Nagsagrap ni Jake Albert Joaquin, 23, naasawaan, residente iti North Comillas, ditoy nga ili, iti dunor iti nadumaduma a paset ti bagina gapu iti panangbagsol kenkuana ni Reggie Paloma, 23, laborer, residente iti Barangay Rosario ditoy.

Segun iti report, aggawiden ti biktima iti tumengnga ti rabii ngem iti asideg ti kamposanto, bigla a nagparang ti suspetsa sana binagbagsol ti biktima.

Nupay nasugatan, kinabaelan ti biktima nga inyawid ti bagina ket pinaitaray iti ospital.

Inaresto dagiti polis ti suspetsa.#