Lalaki, nabagsol, natay

VIGAN CITY- Maysa a lalaki ti nabagsol idi agarup alas onse ti rabii iti Agosto 18 iti sanguanan ti maysa a pagsinean ditoy.

Natay ni Jessie Faypon y Martinez, agmanmaneho iti traysikel, naasawaan, residente iti Barangay 7 ditoy iti ospital a nakaitarayanna gapu iti bagsol iti kilikilina.

Segun iti report, nakita ti guardia ti Partas ti biktima ken ti suspetsa a nainaganan a Joey Gonzales y Arcellana, 21, residente iti Barangay 9 Vigan, nga agrangranget iti asideg iti sanguanan ti Lyric Cinema ket idi mapan aganawa, timmaray ti suspetsa ket nabati ti biktima nga adda bagsolna.

Nagsawar dagiti polis ket natiliwda ti suspetsa.

Mapapati a ti biktima ti sinuspetsa ni Arcellana a nangbastos iti baketna.#