Footer

Medalya ng Papuri naited iti 3 polis

SAN FERNANDO CITY – Tallo a polis ti namedaliaan gapu iti inwayatda a naballigi nga operasion maikontra iti illegal a droga a nagresulta iti pannakakumpiska iti binulto a bricks ti maiparparit a marihuana.

Naiyaspili ti Medalya ng Papuri kada SPO2 Polard B. Inomeng; PO2 Joven A. Corpuz ken PO1 Bob Dominic C. Monang bayat ti tradisional a flag ceremony a naangay iti PRO1 grandstand idi Pebrero 13.

Maipalagip a maysa nga operasion kontra illegal a droga ti inwayat dagiti tallo a polis idi Septiembre 7, 2016 sadiay Barangay Sasaba, Santol, La Union a nagresulta iti pannakarekobre ti 20 bricks a marihuana nga addaan iti fruiting tops nga agdagsen amin iti 1,105.3 grams nga agbalor iti P632,500.00, maysa a brick molder, hydraulick jack ken weighing scale.

Ni Police Senior Supt. Rolie M. Saltat, chief ti RPCRD, kaduana dagiti sabali pay a senior officers ti nangiyaspili iti Medalya ng Papuri kadagiti tallo a polis.#