Panangkanta ni Nievera iti Pambansang Awit, saan a nagustuan ni Maestro Ryan Cayabyab

VIGAN CITY – Uray ni Maestro Ryan Cayabyab,Ā  saan nga immanamong iti panangbaliw ni Martin Nievera a pannakakanta ti maudi a linia ti Nailian A Kanta sakbay ti panangrugi ti Manny Pacquiao-Ricky Hatton duel iti Las Vegas, Nevada idi Mayo 2 (Mayo 3 ditoy pagilian).

Daytoy ti impalgak niĀ  Cayabyab bayat ti interbio dagiti kameng ti media kenkuana iti CafĆ© Leona ditoy a siudad.

Ti music guru ti kangrunaan a bisita ken maysa kadagiti nagbalin a hues iti finals ti Ilocandia Singing Idol a proyekto ni Bokal Zuriel Zaragoza.

Kinuna ti Cayabyab nga impatulod kenkuana ni Nievera ti kantaenna babaen ti email sumagmamano nga aldaw sakbay ti laban ni Manny Pacquiao ket binallakadanna a dina baliwan ti pannakakanta ti Pambansang Awit.

“Martin, papatayin ka ng mga tao… huwag mong papalitan yung huling part, kasi, delikado ka.Ā  You will be crucified for that,”Ā  daytoy ti kinuna ni Cayabyab nga imballakadna ken ni Nievera.

Segun ken ni Cayabyab, dinamag pay ni Martin no kantaenna ti Pambansang Awit iti minus one wenno acapella, ket imballakadna ti acapella babaen ti regular a panangkanta iti National Anthem.

Ngem mapapati nga inrason ni Nievera nga uray kasano ti panangkantana iti National Anthem,Ā Ā  addanto met la pammabalawda kenkuana.

“… gagawin ko na lang ang gusto ko, kasi ginagawa ko naman ito para sa bayan,” ti mapapati nga imbalikas ni Nievera.

Kinuna ni Mr. C nga insingasingna ken ni Martin a daydiay la koma ngaruden maudi a nota ti surotenna ta mas acceptable daytoy… ngem kaskasdi a saan a sinurot ti singer.

“Ang performance ni Martin, maganda – ang husay nang pagkakanta niya. Ang rendition niya… meron tayong problema duon,” kinuna ti mabigbig a maestro iti panagkantaan ditoy pagilian.

Idi nadamagĀ  no kasapulanĀ  ni Martin Nievera nga ag-public apology, kinuna niĀ  Cayabyab a kasapulan ti kumakanta ti agbayad iti P5,000 a kas multana.

Tinumba ni Pacquiao ni Hatton iti namindua a daras iti umuna a rikus sana pinaturog daytoy iti tartaraudi ti maikadua a rikos iti panangagawna iti IBO Junior Welterweight ken Ring Magazine Title manipud iti Briton.#