Pondo ti RA 7171, awanen sawirna a maaprobaran

SINAIT, Ilocos Sur- Kinuna ti bise mayor ditoy nga awanen ti lapped iti pannakaaprobar ti pondo ti R.A 7171 a maited para kadagiti prioridad a proyekto dagiti amin a barangay ditoy.

Iti naudi a session dagiti kameng ti sangguniang bayan ditoy, impasada ti nasao a pondo iti maikadua a pannakaibasana kalpasan a naidatag amin dagiti kasapulan a kiniddaw ni Konsehal Glen Guzman, pangulo ti committee in finance and appropriation.

Manamnama a maipasa daytoy iti third and final reading iti sumaruno a panagsessionda, segun kenni Vice Mayor Edgar Yabes.

Nagbalin nga napudot nga isyo ti pondo ti R.A 7171 ditoy gapu iti saan a panagkatunosan ti ehekutibo ken ti lehislatibo mainaig iti pannakabingayna.

Sakbayna, imprioridad ni Mayor Marlon Ines ti umuna a release ti RA 7171 nga agdagup iti P5.8 milion kadagiti 30 a barangay ngen saan nga inanamongan ti sanguniang bayan agsipud ta saan a nairaman a mabingayan dagiti 14 a barangay a kangrunaan pay met nga agmulmula iti tabako.

Insingasing ti mayor a pagbibingayan dagiti 14 a barangay ti maikadua a release ti R.A 7171 nga agdagup itip1.5 milion ngem napagtitinongan dagiti barangay captains iti panagmimitingda a maipakat ti equal sharing iti nasao a pondo.

Kinuna ni Yabes nga agdagup iti P7,456,000 ti nasao a pondo manipud iti bingay ti munisipio iti excise tax ti tabako kas intu