Serbisio ti danum iti Cabugao , maikalawa: mayor

CABUGAO, Ilocos Sur – Impalgak ni Mayor Diocaesar Suero a marugian ti pannakaikalawa ti serbisio ti danum ti Cabugao Waters a dumanon iti Barangay Maradodon, Catucdaan, Sisim, Caellayan, Nagsantaan, ken Alinaay.

Impakaammo daytoy ni Suero bayat ti pannakainagurar ti serbisio ti danum iti Barangay Baclig itay nabiit.

Kanaig daytoy, inlawlawag ti mayor a saan a maingato ti singir iti danum a makunsomo dagiti consumers ket agtalinaed a P50 ti minimum a bayadan wenno P1 kada dram idinto nga P.85ยข kadagiti sumarsaruno a bilang ti dram ti danum a makunsumo.

Iti sessionda itay Septiembre 14, inted ti sangguniang bayan ti autoridad ken ni Mayor Diocaesar Suero nga umutang ti gobierno munisipal iti Land Bank of the Philippines iti P18 milion para iti pannakailawa ti serbisio ti danum ti Cabugao Waters para kadagiti agnaed iti Barangay Maradudon, Catucdaan, Caellayan, Alinaay, Sisim, ken Baclig.

Segun ken ni Nestor Somera, hepe ti Cabugao Waters, manamnama ti kanayonan a 300 a consumers iti pannakaidanon ti serbisio ti danum kadagitoy sumagmamano a barangay.

Sakbay ti pannakaaprobar ti resolusion a mangted iti bileg ken ni Suero nga umutang iti LBP, naglasat daytoy iti nabara a diskusion iti konseho.

Sumagmamano a konsehal ti nangipeksa iti reserbasionda iti iyuutang manen ti gobierno munisipal iti baet a mangrugin daytoy nga agbayad iti P35 milion nga utangna iti bangko para iti pannakapasayaat ti serbisio ti danum ti Cabugao Waters.

Agdagup iti P6 milion ti tina-wen a bayadan ti gobierno mu-nisipal iti las-ud ti 15 a tawen.

Adda idi singasing nga ingato ti Cabugao Waters ti singirna iti danum ngem sinupiat dagiti konsehal agsipud iti mapapati a saan nga episiente a panagkolekta iti singir iti danum ken adu dagiti customer a delingkuente nga agbayad iti makunsomada a danum.

โ€œDagiti masingir a bayad isu met ti ibayadmi iti pondo isu a self-sustaining daytoy a proyekto. Apaman a mabayadanmi, agbalinto payen nga income generating project ti LGU daytoy,โ€ kinuna ni Suero.#