CABUGAO, Ilocos Sur, Nagdinnungpar ti maysa a van ken traysikel iti national highway a sakup ti Barangay Cuancabal ditoy itay lawasna.
Iti report, nagdinnungpar ti Delica van a minaneho ni Ronnie Ramos, 41, taga-Raois, Vigan City ken ti traysikel a minaneho ni Manuel Ubaldo, 65, taga-Cacadiran.
Mapapati a ginandat ti traysikel ti agoberteyk ngem nakasabatna ti van ket nagdinnungparda.
Nadunor ti maysa a pasahero ti traysikel ket naitaray iti ospital.
Nupay kasta, nagareglo dagiti dua a nagdinnungpar.#